神虎拉麵 (已結業)

见佢季节限定又食腻左猪骨口味,所以就试一试佢.第一啖循例都系饮啖汤先,味道比较淡,始终都系食惯同食开猪骨口味,比较钟情浓郁同杰达达0既口感,所以哩个汤底我0黎讲系比较淡同薄,加上只有淡淡的酱油味同香味,不太能符合到酱油哩个主题,同期望有所出入.另外面底系直面,软硬度适中,挂汤度颇配合汤底.叉烧又系得一块,食完都无感觉,反而笋段出奇地多,食极都有.流心蛋今次做返好左,极流心同劲香蛋味.香港酱油味拉面少之又少,而我亦甚少会食有关口味0既拉面,所以唔知哩个期望会唔会过高,有机会一定要系日本试一试高质素0既酱油拉面~题外话,今次坐既位置完全见到晒整个煮食过程,发现整个过程师傅都一丝不苛,渌面,飞水,温碗都做足,而且做得一d都唔hae,完全感受到佢0既诚意同对食物0既尊重及要求,哩一点十分令人赞赏,所以神虎拉面经常排长龙是不无道理的.