頑石燒肉所 (已結業)

HKU朋友话呢间系100%和牛专门店，品质有保证，今日拣咗呢间餐厅同佢一边shabu shabu，一边吹水~全新季节限定推出日式关西风寿喜烧，本身午市set只包括鸡肉。店员介绍可以叫其他牛肉再加钱升级做寿喜烧汤底。佢推介咗澳洲M9和牛牛里脊肉和澳洲M9和牛牛臀肉盖，牛味好浓，而且不会太薄身，有口感，油花适量，两款我都喜欢，十分推介！ 酱汁都有三款提供👍🏻关西风重浓厚口味～所以我追加咗温泉蛋紫菜饭配索满甜酱油、浓味的牛肉😛套餐仲包括蚬汤、沙律、蔬菜。值得一赞系蔬菜一点都不hea，新鲜又多种类，有娃娃菜、芋丝、豆腐、大葱，食完又饱又满足。富士山饮品系波子汽水🥤嘅味道，酸甜开胃。神还原富士山，造型好可爱，望住呢杯饮品，就好似置身日本🇯🇵，望住富士山打边炉。