茶木‧台式休閒餐廳 (MegaBox) (已結業)

茶木上星期又推出新嘅季节限定食品，就系非常之香甜嘅爱文芒。除咗爱文芒热食、饮品同甜品外，茶木仲推出咗山渣话梅春鸡，可惜我太早去到，山渣话梅春鸡未预备好出售，唯有下次再嚟试依只春鸡喇。猪三宝拌面茶木自家制手作拌面，配上猪三宝，分别有猪大肠、腩肉同猪耳。除此之外，仲有肾啦、梅菜、素鸭（原本系鸭血嘅、但已经卖哂）、溏心蛋。非常之丰富。所有𩠌菜都烹调洽当，嫩滑唔韧。蚵仔肉碎泡饭夏天食泡饭真系好合适，呢个又鲜味又有台式风味嘅蚵仔肉碎泡饭，确系茶木其中一款人气食品。蚝仔粒粒饱满，又肥又鲜甜, 而且份量都好足够。茶木嘅依个蚵仔肉碎泡饭，猪肉碎中加埋鱿鱼，提升整个泡饭嘅鲜味之外，亦为猪肉碎增加一份咬口。爱文芒珍珠鲜奶当造季节嘅爱文芒，加上鲜奶同珍珠。珍珠软糯，饮品鲜甜美味。与普通嘅芒果珍珠鲜奶，最大分别就系用上咗爱文芒，令饮品更加香甜。爱文芒沙冰另一款用咗爱文芒嘅季节限定饮品。将爱文芒打成沙冰，香甜之余，亦为依个炎夏带嚟一阵快感。