炑八韓烤 (已結業)

同男友喺荃新天地睇完戏，闻到好香韩烧味就被吸引咗过去啦。 餐厅门口位仲有小王子场景可以影相打卡📸。小王子🤴粉丝绝对唔可以错过。 咁啱我哋被安排坐喺卡位，墙身仲有位可以叉电添，相当贴心嘅安排。🥰 一坐低，店员先上前菜小碟，有泡菜、芽菜、辣青瓜🥒、生菜、沙律🥗。之后仲帮我哋喺个炉边加上芝士🧀同蛋浆，好似平时去韩国食韩烧都系咁，仲可以无限量添加。亦都可以拣加埋啲泡菜落蛋浆两沟，又或者可以净蛋浆都得。啲蛋整出嚟好香，好好味。 个menu 好靓呀😍，成张圣诞卡咁，我哋拣咗个小王子独一无二套餐，有特级牛肋骨、贝身肉、韩式秘制酱油猪五花、黑毛猪背肉、梨汁鸡肉、炑八特制护心肉、大红虾。🦐 个特级牛肋骨超长呀，肉质鲜嫩。其他每款肉都有其独特味道，最欣赏就系炑八特制护心肉，牛味浓郁，肉质超滑。如果唔想就咁食肉，仲可以包生菜食，有另一食法，而且无咁热气。 可以拣迷你泡菜煎饼或者饮品，我哋拣咗饮品荔枝梳打同夏恩菠萝梳打🍹。两杯都好好饮，又可以解渴，正呀！ 惠顾任何一个小王子套餐加＄98就可以限量换购小王子座台无线充电器。