Sodam Chicken (已結業)

天气开始凉，好想食芝士火锅😋最后决定嚟Sodam Chicken，因为佢有季节限定芝士火锅🧀🥘仲有炸鸡🍗食🤤我地book咗铜锣湾百乐中心𠮶间，喺Times Square附近，港铁站行过去好近好方便。一坐低，我地即刻叫咗个特级芝士火锅($268)。呢个餐包括 :-可以免费加芝士酱一次-手工流心芝士年糕-紫薯年糕-黄金炸薯条-肠仔-车厘茄-农夫包粒-炸鱿鱼芝士酱浓厚香滑重芝味😋薯条香脆，炸鱿鱼薄薄一层炸酱，上枱时系热辣辣嘅👍🏻我最钟意呢个流心芝士年糕同紫薯年糕，口感烟烟韧韧，点埋芝士酱，好味！韩式炸鸡我地拣咗原味同蜜糖芥末双并($175)。外皮炸得香脆松化，肉质嫩滑。味道甜甜地，不过好似冇咩芥末味。试下成旧炸鸡拎嚟点芝士酱，个芝士酱真系好正，点咩都好食。食炸嘢饮可乐($20)系唔少得嘅。另外叫咗杯苹果特饮($58)，好清新，似苹果茶味，可以消下炸嘢嘅油腻感。**********埋单连加一$573，价钱唔平，但可以试下芝士火锅系开心嘅。