影片
更多
2014-05-27
1775 浏览
竟然有间日式班戟店开喺般咸道东边街口呢个死位，须知呢个位人流偏少，食肆几乎开一间执一间…舖头细得廿个位左右，但星期六晚饭时间都坐唔满。环境尚算光猛舒适，侍应殷勤但偶然论尽或畀漏嘢。食物用料应不差，见有保利牛奶同亨氏茄汁罐，唔系呃人啩?主打班戟又香又松软，应属足料炮制，加埋牛油更能带出班戟香味，质素甚佳，物有所值。其他食物一般货色，三文鱼总算保留鱼油香亦唔腥，其他只属叮叮食物质素，炸物嘅炸粉更甩皮甩骨。套餐胜在多嘢食一大盘样样有，唔食得都睇得。呢类舖头应该主力卖班戟开喺消闲区，开喺住宅区贪竞争少舖租可能稍平但焗住卖非擅长填肚餐，何必?如果挨得到地铁通车人流或有改善，但好似又延迟㖞…
舖头细得廿个位左右，但星期六晚饭时间都坐唔满。环境尚算光猛舒适，侍应殷勤但偶然论尽或畀漏嘢。
食物用料应不差，见有保利牛奶同亨氏茄汁罐，唔系呃人啩?主打班戟又香又松软，应属足料炮制，加埋牛油更能带出班戟香味，质素甚佳，物有所值。
其他食物一般货色，三文鱼总算保留鱼油香亦唔腥，其他只属叮叮食物质素，炸物嘅炸粉更甩皮甩骨。套餐胜在多嘢食一大盘样样有，唔食得都睇得。
呢类舖头应该主力卖班戟开喺消闲区，开喺住宅区贪竞争少舖租可能稍平但焗住卖非擅长填肚餐，何必?如果挨得到地铁通车人流或有改善，但好似又延迟㖞…
张贴