吉野家 (新鴻基中心)

营业中

休息中

呢间吉野家好 open，下昼有时会有啲好肥嘅雀仔系度跳来跳去，揾啲人食净嘅饭𩠌。点火锅落单时，唔出声就当你要贵少少嘅特别火锅跟乌冬，要专登同佢讲要清汤跟饭，先会得到最平嘅配搭(海报上见唔到架)。今晚要咗清汤、乌冬、牛肉、跟面豉汤。佢本身有一枱酱油料任攞嘅，不过见佢无遮无掩，又见过店内有雀仔、乌蝇，都系不用为妙。锅料有一条好长嘅冻冰蟹柳、算OK鲜嘅菜、粟米、菇、豆腐... 试过一次食到坏菜，佢整盘再上(我谂多人食就会新鲜啲，切定两锅无人帮衬就坏掉了)。乌冬都OK有咬口，点个劲邪恶嘅胡麻酱，实好食架。重点应该系牛肉，其实同吉野家牛肉饭嘅料都一样，半肥半瘦，不重牛味，但起码唔韧。特别要介绍佢嘅独立包装甜酸姜片，好味唔太辣，健康又卫生。