興中會 (已結業)

好耐无揾中同食饭，于是乎就拣左兴中会，贪佢有点心食，可以怀愐一下中学时代午餐去饮茶的时光。呢度其实更似一间bar的格局，因为仲可以饮下啤酒cocktail。饮茶当然要食下烧卖、虾饺、煎肠粉，最好既就系呢度除左点心，仲有其他小菜、炒饭炒河食。虾饺皇不负其名，差唔多有2、3只虾系入面，用料新鲜。带子黑松露烧卖浸出淡淡的黑松露香味，而且烧卖本身唔会好多肥猪肉，适合钟意食得健康的我地。大良鲜奶卷，炸得香脆，细细旧容易入口。牛油芦荀炒杂菌份量十足，芦笋爽脆，杂菌新鲜，刚上枱时散发出轻微的牛油香味，味道不俗。干炒韩牛河有意外惊喜，牛肉大大块之食余，亦有浓郁的牛味，但一d都唔会韧，十分可口。再加上呢个炒河一d都唔油，值得encore。最后食埋佢既杞子桂花糕作甜点，连中同都好满意呢餐怀愐过去的点心聚。