影片
更多
2008-05-18
4 浏览
五月十六日(五)今日重点行程系一寿司既半价时段"黑夜寿司"，选择尼度原因系老婆之前都不时同朋友黎食夜场，今次再出黎食，本人则第一次食一寿司。去到旺角行一阵见差不多九点就出发排队。约九时到达，发现在场轮候人数上百，星期五来说有点夸，星期六的话真不敢想像～大约十时半入座，等了个半小时～ 幸好有NDS消磨时间，不然.......入到去见到纸都有好多选择，都TICK左唔小，由较好食既写起～香芒花之恋($28)三块三文鱼，配合蟹子同沙律酱，食落唔错，味道几夹，几好味～厚烧玉子($12, 正)三大块，够晒厚身，味道不错，亦有口感，可惜小食无半价～天妇罗南瓜、蕃薯($20, 正)每样各三块，炸得唔算好，但味道可以，有未隔干油迹象～软壳蟹寿司($22)软壳蟹炸得较南瓜、蕃薯好，蟹味道亦OK，但没酱汁配合下不适合𩠌饭～鳗鱼寿司($20)斜片切法，鱼较细块在所难免，味道方面当然及不上板前、峰等，和元禄水平相约三文鱼寿司($9)平～无传闲中咁差，起码我唔觉得D鱼薄如纸，超细旧咁，卖相细旧只系佢D饭细鱼卷埋左一旧，话好好当然唔系，一分钱一分货，尼款系尼度黎讲算好唔错。三拼刺生($10X)有虾、帆立贝同三文鱼。
今日重点行程系一寿司既半价时段"黑夜寿司"，选择尼度原因系老婆之前都不时同朋友黎食夜场，今次再出黎食，本人则第一次食一寿司。
去到旺角行一阵见差不多九点就出发排队。约九时到达，发现在场轮候人数上百，星期五来说有点夸，星期六的话真不敢想像～大约十时半入座，等了个半小时～ 幸好有NDS消磨时间，不然.......
入到去见到纸都有好多选择，都TICK左唔小，由较好食既写起～
香芒花之恋($28)
三块三文鱼，配合蟹子同沙律酱，食落唔错，味道几夹，几好味～
厚烧玉子($12, 正)
三大块，够晒厚身，味道不错，亦有口感，可惜小食无半价～
天妇罗南瓜、蕃薯($20, 正)
每样各三块，炸得唔算好，但味道可以，有未隔干油迹象～
软壳蟹寿司($22)
软壳蟹炸得较南瓜、蕃薯好，蟹味道亦OK，但没酱汁配合下不适合𩠌饭～
鳗鱼寿司($20)
斜片切法，鱼较细块在所难免，味道方面当然及不上板前、峰等，和元禄水平相约
三文鱼寿司($9)
平～无传闲中咁差，起码我唔觉得D鱼薄如纸，超细旧咁，卖相细旧只系佢D饭细鱼卷埋左一旧，话好好当然唔系，一分钱一分货，尼款系尼度黎讲算好唔错。
三拼刺生($10X)
有虾、帆立贝同三文鱼。帆立贝质素差，唔新鲜，食落有鯹味，唔掂！ 再试一只虾，真系不得了，口感系一劈野，好胶既感觉，o念番起都几恐怖，极差！咁既野都够胆攞出黎卖..... 有机会再黎一定唔会再叫尼两味！三文鱼刺生则正常～
帆立贝寿司($2X)
老婆说比刺生的帆立贝更甚，食到想吐出黎！
三文鱼刺生($3X)
刺生盘中最正常系三文鱼，所以总共再叫多左两碟，尤幸两碟质素都可以，叫做保持到水准，有番D安慰～
另外仲叫左D其他款寿司，好似XX海胆军舰、烧八爪鱼寿司等....半价后都十几廿蚊又唔算好平，无食唔知质素点，帆立贝都咁海胆都应该唔乐观～
服务方面唔觉太差，落单时会覆单，虽然唔算礼貌、有D细声但都叫有讲，而且都有人收碟，斟水就一次咁大把，叫人就真系要肉紧D先叫到～ 无漏单～
总括黎讲如果唔计虾同帆立贝其实可以一试，但老婆话尼度水准下降左好多。试之前真系做足D功课先好去。同埋早D去排第一轮据说有机会叫到新鲜D既$35贵价寿司。佢正价黎讲D野可以贵过板前、峰，真系唔明点解十点前会有客? 唔通真系贪无人唔使等? 半价要排成个半钟，真系有机会先再试啦～
张贴
