施心畢老撾餐廳

营业中

休息中

谂左好耐，究竟老挝喺边呢？老挝其实系一个国家嚟嘅，咁国家当然有个国家的特别菜式啦，唔知系咪因为同泰国马来西亚𠮶啲都近，所以老挝菜某程度上同泰国菜都几似。见到佢个餐牌成大张相都系老挝汤粉，当然要是返一碗啦！个汤底好特别，又未去到泰国船面𠮶种咁浓，但系听得来又有啲甜味，最重要系佢个面河粉嘅棉质非常弹牙，好似食紧蒟蒻粉丝咁，好好味！肉类处理得非常唔错，呢个猪颈肉就咁用肉眼都睇得出佢有几咁油脂分明，而且唔会熟到好老，超原软！另外叫咗个我最钟意食嘅辣肉碎炒饭加只煎蛋，佢个饭竟然系糯米啊！而且头先都讲过肉类处理得唔错，所以肉碎嘅质感都系好软熟，辣味唔会太劲啱啱好～相对地呢个牛油鸡翼比较奇怪，因为叫咗辣味，所以感觉上佢似系辣鸡翼多过牛油鸡翼，如果牛油味再重啲就好啦。叫咗个红奶茶，佢嘅感觉就系好似泰式奶茶但系冇咗炼奶嘅味道，唔会太甜，衬返佢个糯米饭食成件事好夹，亦都可以冲走𠮶种饱滞感。