蓮香樓 (已易手) 新餐厅

香港旧式茶楼，莲香居都算系非常出名的了，香港人外国人游客都必定会来试试。响咁繁忙嘅餐厅里面，伙计仲肯主动帮客人找位置，都唔系真系讲到旧伙计咁火爆啫。每当一有新嘅点心车仔推出嚟，食吓个个都必定带埋点心卡一拥而上，睇吓有冇自己啱食嘅点心再攞返埋位。先抢到嘅系咖喱鱿鱼，内有牛筋同埋面筋，由于咖喱味唔入味嘅关系，鱿鱼点弹牙，牛筋几淋同面筋本身几索味都变咗冇乜用了。阿姐极力推介嘅猪润烧卖，仲话呢碟系最靓𠮶客。旧式嘅点心多数都系三高，当然呢度嘅烧卖都系肥猪肉劲多，入面有只虾仁仔，味道都还可以，不过面头嘅猪润就又干又实。不过朋友就话𠮶啲蒸出来的水好香，直头当猪膶汤咁饮咗。再跟住就系蒸鱼云同埋棉花鸡，鱼云味道不明，鱼肉霉淋，好在唔腥。棉花吸嘅汤汁味道都几好，𠮶块比梳打粉发到化哂嘅瘦肉我真系无食。最后仲抢咗笼奶皇包，旧式嘅奶皇包里面系好似浆糊咁一pat pat，味道都尚算唔错，不过我真系可能食惯咗新式嘅流心奶黄包了。