School Food (已結業)

公司又嚟咗新同事，次次有新同事返老细都会请食饭真高兴。开咗年咁耐都好似冇乜点出去食饭，今日终于可以出下城市食好东西。呢度环境好舒服好新潮餐厅有，一入到去见到好多店员，好似欢迎我哋，哈哈自我感觉良好。一人一个lunchset，我叫咗个芝士餐肉牛肉鸡蛋锅饭，再加多左两只辣味鸡翼，同埋要左杯是日水果茶，水果茶系蜜桃茶。 饮品冇乜蜜桃味但系甜甜地味道都尚算可以。之后再黎左鸡翼，鸡翼唔算好辣味，细细只咁，味道都唔错。之后等左几个字main就嚟咗，芝士沸腾嘅样真系好似好好味，果然都不负众望，味道不错，韩国午餐肉真系特别好食，反而牛肉味嘅比例唔算多。整体来讲，餐厅环境好舒服，好多颜色令到人好开心，而且地方都算大，比较静，可能系lunch嘅关系，食物质素都唔错，食完之后仲会送水果俾我哋食，感觉都好满意，下次会再嚟。