柏林冰室

营业中

休息中

大角咀富荣花园/海富苑地铺食肆都经多，午饭时间附近中学大专院校学生都几多，到处都要揾位食饭，呢间冰室系我哋经常帮衬，探佢近近哋又易揾位，星期一到日每日都有六款午餐，五六十蚊包嘢饮唔算好平，胜在质素稳定，今日试咗墨西哥汁香煎猪扒意粉，同行朋友都系食呢个餐所以就冇影，佢嘅焗饭我都几钟意，焗鸡猪羊都唔错，仲有咖哩都好食，而家出面食嘢度度都贵，呢个价钱如果唔要求好高，其实已经算合格以上。如果想食好啲就行多几步去奥海城，食个food court午餐都要七八十蚊以上，性价比可能仲冇咁高。