九井食堂 (香港仔中心) (已結業)

今日去香港仔接表妹仔放学。表妹仔入到心仪中学梗系要请佢食最钟意的日本菜🍣 。原来香港仔九井食堂做紧学生优惠，全枱只要有一个学生就可以全单八八折，好抵呀！表妹仔好嘢👏。另外汽水、沙冰、咖啡奶茶、面豉汤任饮；沙律任食。真系抵上加抵。👉角切刺身丼（$88）+ 三文鱼刺身（$39）：刺身好新鲜，而且厚切好满足。👉滑蛋馒鱼柳川锅（$85）+ 炸墨鱼咀（$35）：鳗鱼大大条，软滑无刺，滑蛋和洋葱都够味，好送饭。👉吉列炸蚝（$38）：估唔到两只蚝都非常大只，炸得外面脆卜卜而蚝并无炸到缩水。👉炙烧原只鱿鱼筒（$78）：鱿鱼够份量，最重要是烤得刚刚好不硬不韧，照烧汁又惹味。九井真是全香港仔最好食又最抵食的日本饭堂。已和表妹仔约定下次又去接放学😅。