大盛日本料理 (已結業)

呢间日本料理餐厅放饭时间成日都有几多中学生去食，自己觉得受中学生欢迎既餐厅应该系唔太差，见价钱同一般既日本料理餐厅唔系话贵好多就入去试，食完会觉得普通，无令我会再返去食。环境方面，座位与座位之间既距离窄，前后左右都系！客人出入时较为麻烦，感觉上几逼。温泉蛋一口牛丼 - ($68连野饮) : 首先讲卖相，还可以啦，个人觉得可以同menu影出黎既再近似啲。饭同牛肉既份量好多，对一个女仔黎讲会觉得太多，有大半碗饭，牛肉粒大约有十几粒，自己就食唔哂，但男仔既话就应该岩岩好。饭系用珍珠米，软熟好味。牛肉肉质就麻麻，好多筋同肥膏，咀嚼都需要一段时间，但好既系牛肉既size大细平均，系一啖一旧，食起上黎既方便。牛肉既味道正常，内有肉汁，唔干，大约7成熟。温泉蛋，有蛋汁，足够捞成碗饭。呢碗饭既惊喜位系个酱汁，甜甜地烧肉汁几开胃，烧肉汁捞埋蛋汁送饭味道唔错！对于钟意食甜既朋友仔会几钟意个味道。但都因为酱汁系偏甜，食到尾会有少少滞。整体黎讲，只可以话中规中矩，呢碗饭卖点系一口牛，但牛肉方面可以有更多进步空间，因为筋位太多，食起上黎系唔方便同唔吸引。