宜記甜品

营业中

休息中

相信读hku/住西环既人对宜记依个名实在唔会陌生。住hall叫宵夜、练完波食饭，宜记确系一个好既选择。价钱平又多选择，每日唔同款都可以食番一头半个月。想食饭既会嗌咖哩蛋包鸡球饭、温泉蛋泡菜牛肉饭；平平地就系翼米；天气热既时候就系五色冷面。依啲食物都系平时大家会嗌既热门食品。今日都系练完波谂唔到食咩，就拣左宜记。天气又热就拣左五色冷面，嘢饮就系珍珠桔柠蜜，个个都会嗌依个，都称得上系宜记既招牌。冷面好足料，一啲都唔悭。酱唔够既话可以叫佢加，但今日做完运动就费时咁肥啦。珍珠桔柠蜜有热有冻，打完波就当然系嗌冻啦。太口渴既关系，一上枱就已经忍唔住饮左一大啖。细细间铺，店员都好贴心，每次见人打完波身水身汗入黎都会问使唔使开大啲冷气