石記廚房

营业中

休息中

新年一班人出地食饭，因为人多想坐得耐啲，舒服啲，所以黎左石记厨房。由于无早一日订位的关系，今次食唔到每日限量既风沙鸡，不过都点左个风沙鸡翼补数！另外仲点左墨鱼饼，炒豆苗，蒸肉饼同咕噜肉！风沙鸡翼一如以往既惹味，仲帮大家处理左啲骨方便拎住食，贴心！炒豆苗因为板娘话是日豆苗靓，果然好嫩口，无介绍错！墨鱼饼个面够脆，可惜唔够入味，有口感无味道…至于蒸肉饼同咕噜肉就一般水平，无惊喜无失望。临走仲有糖水送，可惜大家准备去隔离街食甜品，对个薏米糖水兴趣不大@@总括而言系不俗的，小弟成日认为再好既餐厅都有弱项，想食得满意，学识点菜好重要！