同心泰國菜館 (已結業)

小弟几钟意食海南鸡饭，特别系去埋骨既更钟意，所以间唔中都会去好时沙爹(其实都一排无去...)食，近排见某位网友食评讲呢度，见倒原来呢度又有去骨海南鸡饭而且价钱都比好时平好多，咁就黎试下。果然一分钱一分货，去骨鸡去得唔干净，份量亦比较小，不过讲味道都几好的，但d鸡油饭就麻麻，一旧旧咁，佢个酱就得一种不过好浓味几o岩我胃口，碗汤反而可以算系成个餐最好的。另外呢度虽然系泰式菜馆，但环境好似茶餐厅咁，个地下都唔多干净.... 严格黎讲我觉呢餐紧紧合格啦。但系！我食食下见倒有个带红色cap帽既人行入黎，系咁依望o左一眼觉得几面善，再听倒佢点菜时把声，跟住再望清楚，咦？呢个咪....𡥧姑姐！？唔系我𡥧姑姐而系高朋满坐入面果个𡥧姑姐，即系苑琼丹，又真系估唔倒，不过咁都唔算惊喜，惊喜既系佢一个人叫o左好多野食，我谂两个我都未必食得晒既份量，而且似乎佢好钟意饮呢度d鸡汤~ 呵