東海堂 (荃灣千色匯I)

营业中

休息中

食东海堂嘅雪糕好讲缘份，唔系间间都供应，近我嘅都冇…之前都喺尖沙咀天星码头食，坐船过海顺个便。今日晚饭喺荃湾食，因为未够钟，所以先喺附近食个雪糕满足下。本来系试下讲左好耐想食嘅芝麻味，但店员话冇哂，雪糕只系剩番抹茶味…是但啦，反正佢地嘅抹茶都几多人赞，而且我又未试过。宇治抹茶软雪糕 $30采用丸久小山园抹茶制成，抹茶味浓厚甘醇，奶味唔算好重，相对之前食过嘅焙茶同紫薯口味，甜度更为适中。雪糕质地厚滑，唔会好似食紫薯𠮶款咁腻口，但真系溶得好快，滴到我成手都系。雪糕筒薄脆，比起头两次食感觉良好。值得一赞系佢地唧雪糕都唧得几靓，食到尾都有，性价比算高。