NUTTEA (旺角中心第一座) (已結業)

听过呢间舖头好耐，佢哋卖点系用坚果奶去做奶盖，不过睇完之后又冇咗件事，一直都冇试到，近排有个friend饮过之后系咁话好好饮，强烈推荐仲带埋我一齐去饮🤣我哋去开旺角，就去咗旺角中心呢间NUTTEA分店到买，而家唔使戴口罩，仲可以边饮住边行街😗 见到都几多人买，等咗一阵，见到佢推介个牌写住宇治金时我就吸引咗拣咗呢杯了！🍵我本身都钟意饮宇治抹茶，而且抹茶同埋红豆真系绝配呀🤤❤️ 一拎到手见到厚厚嘅奶盖真系觉得好正😍 即刻打开盖直接食啖奶盖先，我本身唔系特别钟意食坚果，但原来打做奶盖个味系几适合！好似有少少榛子嘅香味咁😍 而且奶盖质感好厚实！仲有啲饱肚感😆 觉得呢个真系一大好发明～绝对满足到唔饮得奶类嘅朋友！