影片
更多
2016-12-19
831 浏览
晌尖沙咀，宝勒巷、赫德道喺唔少酒吧集中地之一，不过，食市亦林立，始终尖沙咀都喺个旅游旺区。今晚同亲友嚟到食晚饭、聚旧嘅Cosmos，就喺一家酒吧连餐厅嘅食肆，晌依区真喺有好多酒吧餐厅，竞争都咪话唔大，做唔做到到与众不同，就要试过先知！餐厅嘅名字意译就喺「宇宙」，虽然，装修上无咩科幻嘅元素，但一室苹果绿衬白，加上好好坐嘅梳化椅，整体感觉舒服。柔和嘅灯光，加上枱上嘅蜡烛灯，散发出丝丝情调。店员都好好招呼，殷勤有礼，添水、换碟基本嘢都做到足，上菜速度啱啱好，一道菜接一道菜。我哋简单啲，就点两客晚餐，晚市喺以4道菜嘅晚餐为主，包沙律、餐汤、主菜及甜品，奉送啡茶，定价$128-$328 +10%，尖沙咀区而言算合理。有机藜麦田园沙律虽则只喺一啲沙律菜、车厘茄、青瓜、樱桃萝卜做成嘅田园沙律，但「有机」、「藜麦」就为个沙律嘅健康值加分，淋上简单嘅油醋，清新健康。野菌忌廉汤个汤嘅野菌味好浓郁，睇都睇得见落咗唔少菇菌，所以，多份粒粒弹牙感，喺稍微质感上厚身啲。伴汤嘅香草蒜蓉多士，热辣芳香，入口软熟带松脆，做足基本以上。主菜嘅6款选择，部份都颇有特色，如白酒海鲜紫薯忌廉饭、法国春鸡酿泡菜年糕，拣咗前者试试
餐厅嘅名字意译就喺「宇宙」，虽然，装修上无咩科幻嘅元素，但一室苹果绿衬白，加上好好坐嘅梳化椅，整体感觉舒服。柔和嘅灯光，加上枱上嘅蜡烛灯，散发出丝丝情调。店员都好好招呼，殷勤有礼，添水、换碟基本嘢都做到足，上菜速度啱啱好，一道菜接一道菜。
我哋简单啲，就点两客晚餐，晚市喺以4道菜嘅晚餐为主，包沙律、餐汤、主菜及甜品，奉送啡茶，定价$128-$328 +10%，尖沙咀区而言算合理。
有机藜麦田园沙律虽则只喺一啲沙律菜、车厘茄、青瓜、樱桃萝卜做成嘅田园沙律，但「有机」、「藜麦」就为个沙律嘅健康值加分，淋上简单嘅油醋，清新健康。
野菌忌廉汤个汤嘅野菌味好浓郁，睇都睇得见落咗唔少菇菌，所以，多份粒粒弹牙感，喺稍微质感上厚身啲。伴汤嘅香草蒜蓉多士，热辣芳香，入口软熟带松脆，做足基本以上。
主菜嘅6款选择，部份都颇有特色，如白酒海鲜紫薯忌廉饭、法国春鸡酿泡菜年糕，拣咗前者试试，另外拣多个食肉兽之选T骨牛扒。
白酒海鲜紫薯忌廉饭 $178个海鲜忌廉饭卖相扮到小型西班牙海鲜饭咁款，型格有心思。唔喺乱吹，个紫薯忌廉饭真喺好紫薯，唔止颜色好紫，味道都好紫薯，同埋，软绵嘅饭内有紫薯蓉及菌粒，绝对唔喺揾紫薯粉开冲嚟做，有诚意，个人觉得再做湿润少少就更理想。海鲜方面，白酒味唔强，但海鲜不论大虾、蚬只、鱿鱼圈或鱼柳，食落几鲜甜，唔似雪藏货。
烤美国安格斯T骨牛扒（14安士）$32814安嘅T骨牛扒真喺唔嘢小，大大件平放上嚟，好有睇头，要上五成熟，切开一睇色泽保持艳红而唔会有血水渗出，拿捏啱啱好。T骨右面细边喺牛柳，好腍好够肉汁，另一面大边喺西冷，虽然师傅烧得刚好，但有啲韧同埋颇多筋，只可以讲喺够肉味。反而好欣赏啲伴菜，新薯、露笋同啲焗过嘅车厘茄都好好食。事后跟店员反映，佢都有解释货源质素比较唔稳定，所以，不如只卖其他质素稳定嘅部位仲好。
芒果奶冻精美甜品只有一款，知有啲朋友唔钟意食奶冻，因为嫌肥，但小弟就几钟意奶冻嘅质感，软柔得嚟比慕丝挺身啲，而且，好有牛奶香。而芒果未够熟透，所以，带微酸，但亲友反而觉得唔错，因为少少酸味平衡番奶冻嘅甜味。
咖啡餐饮我哋不约而同都拣咖啡，都喺揾咖啡配甜最啱我自己喜好，醇香嘅咖啡味，令人心情舒畅。如果啲牛奶热番先奉客，感觉会更好。
整体而言，餐厅嘅环境及服务都好好，菜式水平就属稳打稳扎，紫薯忌廉饭确有特色，而T骨牛扒就算喺安格斯质素，都有些少失望，希望依一环改善一下，总评介乎OK与笑脸之间，但因为件扒比嘅价钱与期望有较大落差，所以，先俾住个OK先，但相信佢哋有能力做好啲菜式，质素「宇」日俱增。如果无拣个扒，改食其他菜式，可以食得更划算。
张贴
