稻八日式火鍋炸物放題 (已結業)

系最近打边炉变成高危事件后，都唔太够胆喺餐厅打边炉，好在呢度推出左个‘家心锅’外卖打边炉套餐，即刻买返屋企食。外卖盒设计精美，将不同食材摆放得整齐，肉类亦得以分开两个盒装，汤底亦得以煮滚左先至入樽，好细心嘅安排。一返屋企攞个炉出来就可以马上食啦。四人餐已经有齐特级美国壳饲牛肉、美国自然豚肉、日本北海道滑鸡片、羊肉等，在自选丸类、蔬菜类。美国谷饲牛肉质素高，牛味浓，淋身。豚肉亦唔会鞋。最特别系滑鸡片，无论煮佐几耐肉质依然保持嫩滑，口感一流。墨鱼滑口感弹牙又结实。炸鱼皮薄脆，唔会太咸，空口食又得，放汤之后鱼皮变得烟韧。日式拉面亦有质素，煮得耐都唔会太淋或发胀。试过今次外卖之后，觉得堂食更加抵，因为有自制炸物、刺身及雪糕等，疫情过好可以来堂食的任食套餐。