齊齊素 (已結業)

我哋今日去到嘅时候门口企满人，原来因为今日有社福机构订咗20几人系𠮶到搞活动，所以要安排佢哋入座先，好多已经book咗枱嘅人就要系门口等。其实等唔系问题，但店员指示唔清晰，净系要我哋系门口等一阵，又唔知要等几耐，D人又冇排队，只系一堆堆人企系门口等，我见到有D已经book咗枱嘅都走咗。其实我觉得如果有机构黎搞活动，店员可以画一个区域比佢哋，同时安排我哋入座，而唔系要我哋成班已经book咗枱嘅人去等佢哋20几人坐好先到我哋入座😠，所以一开始时已经浪费咗时间，希望类似情况日后会有改善😵。食物种类算多，但好快比人夹哂，午市自助餐1:00开始，到1:45已经冇咩野食，店员又唔再加添食物，但明明自助餐食到3:00，所以2:00后黎嘅人已经冇咩选择。如果大家想黎试，建议1:00黎食，同埋记得要book位。沙律bar: 沙律菜、车厘茄、藜麦苋菜籽 (口感烟韧，但味道较淡)、青瓜、粟米、橙、西瓜……小食:炸馒头、素龙虾片、春卷、煎堆仔、焦糖芋头、shake shake 薯条、脆麻花、藜麦法包多士、迷你潜艇、蕃茄薄饼、菠萝薄饼……炸物味道唔错，外表够香脆，尤其推荐脆麻花春卷。薄饼嘅饼底外表香脆，内里软熟