影片
更多
2021-02-18
956 浏览
简单来讲，排2粒钟就系买2件19蛋糕，时间成本高到癫，你好L得闲冇野做先好排。所有野人手做，好慢，冇服务，冇人流管理。分分钟白等2粒钟系咩都买唔到！！！！真心！你唔信就你自己去排下。第一次嬲到要写劣计！今日难得平日放假，12点半左右去到间野到买蛋糕，一去到，人龙已排到出门口打蛇饼中。如果唔想排太耐，我谂要11:45到挂。等左1个钟，终于排到入门口到。以为好快到我啦，一入到去呆左，因为店入面仲有一条人龙。排左2个几钟，然后差唔多排到我时，前面有啲人一次过买左廿几件蛋糕（应该系冇预订，买现货），到我时只系得返2种口味嘅少量蛋糕拣。真系好嬲，排左2个几钟，系想食抹茶流心千层蛋糕，最后只系买到2件蛋糕仔。排2个几钟唔知为咩野，浪费时间同埋假期。流程系咁，你落完order，收银会拎住本簿，叫店员逐件执货，系人手做，冇电脑化，所以收银一件件咁嗌，店员就一件件咁执。你唔好彩前面嘅人买十几廿件，咁你就慢慢等。平均每人要5分钟或以上黎执货。有人问佢地，控制人龙，废事排完2个钟都咩都买唔到（系，我后面仲有好长龙嘅人应该系白等2个钟咩都买唔到）。个收银姨姨话会向佢地公司反映㖞。仲有问佢搞限购，个个人都即买廿
今日难得平日放假，12点半左右去到间野到买蛋糕，一去到，人龙已排到出门口打蛇饼中。如果唔想排太耐，我谂要11:45到挂。
等左1个钟，终于排到入门口到。以为好快到我啦，一入到去呆左，因为店入面仲有一条人龙。
排左2个几钟，然后差唔多排到我时，前面有啲人一次过买左廿几件蛋糕（应该系冇预订，买现货），到我时只系得返2种口味嘅少量蛋糕拣。
真系好嬲，排左2个几钟，系想食抹茶流心千层蛋糕，最后只系买到2件蛋糕仔。排2个几钟唔知为咩野，浪费时间同埋假期。
流程系咁，你落完order，收银会拎住本簿，叫店员逐件执货，系人手做，冇电脑化，所以收银一件件咁嗌，店员就一件件咁执。你唔好彩前面嘅人买十几廿件，咁你就慢慢等。平均每人要5分钟或以上黎执货。
有人问佢地，控制人龙，废事排完2个钟都咩都买唔到（系，我后面仲有好长龙嘅人应该系白等2个钟咩都买唔到）。个收银姨姨话会向佢地公司反映㖞。仲有问佢搞限购，个个人都即买廿几件现货，后面排队嘅人最后咩都冇，个姨姨都系话会反映意见。
我明明记得呢间系小生意，仲要见到疑似创办人系到执紧饼，我真系唔知佢间公司有几大，要慢慢反映意见。
你问蛋糕好冇味，系好食，但排2个钟未必买到你钟意口味。值唔值你自己谂。仲有，你预订完，都系一样都排同一条队拎货，因为佢地系即场执货俾你，慢慢等啦。
佢以前系太子店，我都有帮衬过，你系要等，但冇去到2小时，因现货好少，好快卖哂，就唔洗等。而家搬左去旺角，多左现货，但安排衰过以前好多，因为人龙更长，冇人截龙，冇人问定你要几件蛋糕同咩口味黎预售出量，所以你等运到睇下排到你仲有冇货。
佢时间系赚钱时间，我排队时间就唔系时间。真系想讲粗口，再好食嘅蛋糕都唔想再去。有人俾意见，但间店都冇心听，似系9答一句，我地会向公司反映意见，就完左。真系买蛋糕黎讲最差嘅体验，排2个钟唔知为咩。
最后，排队过程会见到员工拎住食材系咁穿过人龙两头行。
31 浏览
0 赞好
0 留言
张贴
