Tree Health and Sports Cafe (裝修中)

去得亲子餐厅都系想有个地方可以俾小朋友放下电，大人食下野之余又可以喺可视范围内见到小朋友既情况。呢间餐厅既客观条件的确唔错，用餐区邻近游乐区而不足5米之隔，对家长黎讲可以话系非常方便。可惜，呢间舖既management真系太差。以我地今次既体验为例，我地一行8大4小落左booking，当日有多个friend两大一小想join，但职员竟然以冇book而且已经full左为由拒绝进入，呢个我地都明白既，即使我地见到个场唔系好多人而职员抱住「有钱都唔膁」既心态去同我地讲，毕竟赚多赚少都系出咁多粮，我地只系戥老板担心。除此之外，餐厅出餐亦好有问题，即使我地呢班已经book左既客人都要等好耐先可以有野食，职员甚至因此而叫我地购买现成饮品以满足佢地min charge既要求，其实即系话呢间餐厅本身已经serve唔到book左位既客人，既然系咁，当初又点解俾咁多人book？将军澳区有既亲子餐厅的确系好少，但系咁既management去经营一间餐厅，首先一定唔会吸引到回头客，未去过既睇完我呢个体验，都值得考虑一下系咪要继续去。