壹小店 (已結業)

自闭咗个几两个星期，#小秘书 终于出关✌🏻咁耐无同大家食饭，当然想揾啲好嘢食🤤 呢日「首领」提议近近去 One Little Room 哈😆唔使我谂地方，我当然举脚赞成啦🥳 而且仲可以悭返啲时间吹吓水，一举两得😚仲记得对上一次嚟食lunch，起码系一年前嘅事，餐牌上嘅食物好似比以前多咗啲🔍 呢日我就拣咗佢哋嘅 #安格斯牛肉芝士汉堡 🍔 配 #南瓜汤，#伯爵茶 ☕️做餐饮🤤 首先嚟到我面前系个餐汤，汤底唔够浓，不过口味都ok嘅🤤 但系个 #burger 确实令我有啲失望，以外观嚟睇绝对唔差，而且伴碟有大量沙律菜，汉堡包里面除咗有主角 #免治汉堡扒 之外，仲可以揾到好多 #蘑菇 同 #洋葱🧅 理应口味唔错㗎😅 但系点解我觉得成个口感一啲都唔juicy😅 #安格斯牛 𠮶种油香更加系揾唔到… 对比我记忆中嘅味道，真心有啲失望添👉🏻👈🏻 不过胜在餐厅唔会好似以前咁，要我哋数齐人数先可以入座，相对我哋揾到位嘅机会都容易啲🤪对于懒得行嘅我，不失为一个懒人选择嘅🤪