爆丼丼 (已結業)

荃湾都几多鱼生丼，今次拣左小店支持下，闲日晚上都几多客人，幸好不用等位就刚好可以入座。我同友人点了两个丼饭。安格斯牛肉鹅肝丼 $98估唔到熟食的丼饭抵食夹大份，放满安格斯牛肉，再加上厚切肥美鹅肝，完美组合。牛肉口感如肥牛般嫩腍油香，入口快要溶化，但又牛咪浓郁，配埋煎得好香既鹅肝，外脆内软，同样既甘香味浓，食到一半系开始腻，所以我一开始分了点给友人。两者好夹而又冇盖过对方味道，喜欢油润甘香与味浓既食友们，呢个丼饭系首选。火山爆丼 $168火山爆丼有齐5款鱼生，分别有拖罗蓉、帆立贝、吞拿鱼、三文鱼及三文鱼籽，款式算多，但份量较少。卖相反而吸引，有如火山一样，爆出好多三文鱼籽。拖罗蓉拌匀醋饭，鱼油香散发，肥美脂香几吸引。吞拿鱼和三文鱼都切成粒，感觉似什锦鱼生，可惜只有半只嫩滑帆立贝，如果多点会更好，有点不够喉。最好味还是提升解味，又口感十足的三文鱼籽，爆发出鲜味令整个丼饭的各款鱼生的味道都融合。丼饭会附送面豉汤，味道几清且不太咸，配料有滑溜豆腐粒及油豆腐。