老闆火鍋冰室

营业中

休息中

今日去元朗食港式火锅，虽然有鸡煲可以拣，不过都系拣返普通火锅汤底试一试佢，今次就叫咗个沙嗲锅，花生味浓，唔似其他店嘅汤底得只色咁，微辣、。话说佢个餐桌嘅设计都唔错，个煲位陷落去，唔使吊高只手就夹到嘢食，系一个暖心位。安格斯牛颈脊牛味十足，一咬落去浓浓嘅牛奶香，绝对可以归功于分布均匀嘅牛脂。牛舌十分爽口，大大块，渌完都唔会话缩哂水咁，肉味都十分足够。其他嘅食材选择亦都唔少，一份菜都好足料，包仔豆腐同蜂巢豆腐吸引哂沙嗲汤嘅精华。值得一提嘅系一入座就上咗每人一块嘅吉列蚝、一块炸虾饼、一只炸虾。吉列蚝新鲜多汁，浓浓嘅海水香喺咬落去嘅瞬间爆发开嚟，非常之唔错；虾饼就够哂弹牙、大虾就炸得够脆，连壳都可以食埋。