百子樓 (已結業)

今晚约埋好友一齐再去呢度食好野倾下心事, 贪呢道唔太嘈可以安安静静咁食餐饭, 系屯门区要揾间坐得安安落落又可以坐得夜D既菜馆真系冇乜边间, 一坐底望一望周围有咩推介, 见到有梅菜扣肉, 哗~真系唔洗谂, 呢D天气凉凉地最啱食, 店员亦推介今日D虾好新鲜, 咁又试下蒜蓉粉丝蒸开边虾, 再加个干烧伊面, 好丰富呀, 睇下餐牌原来有泰式烧鸡, 上次黎又冇乜为意, 咁我地即刻叫半只试下, 店员都温馨提示话会比较等得耐D, 真系细心, 再讲番食物质素先, 梅菜扣肉入口即溶, 好入味, 碟虾食得出唔系死虾, D肉好鲜味同弹牙, 个烧鸡D肉唔鞋好香既香草味, 干烧伊面烩得够晒味, 软硬适中, 食完D野又唔觉得口渴, 同老板娘倾计先知, 原来呢度为佐顾客食得健康所以主张唔落味精, 咁健康咁有心既食店, 真系值得推介