圍威喂 (荃灣廣場) (已結業)

周末唔煮饭出街揾食，之前经过见到呢间好似好正咁，于是11:30就落去试吓，我哋系第一个入到去，所以位置任拣，我哋拣咗梳化卡位，坐得舒服虽然假日，一样有set lunch餐，我哋要咗一个海南鸡喇沙餐，加$18玩一碗迷你肉骨茶，半价换黑糖珍珠鲜奶！喇沙虽然好香，但喺油同汤各一半，豆卜吸收晒喇沙啲油份，一口咬落去成口都系油好难受，太多油的关系所以只食咗三份一就食唔落去啦！跟餐嘅海南鸡师傅好醒目地俾咗鸡髀我，鸡俾肉滑滑，挽回不少分数！迷你肉骨茶一上枱已经闻到超级香嘅药材味，急不及待饮一啖汤，同喺星加坡饮的差唔多味道偏甜，好饮，但可能因为太早嘅关系，排骨仲未煮淋比较硬咁唔好彩师傅俾咗块三份一肥肉嘅排骨比我，所以只是咬咗少少就食唔落口啦，硬得来太肥！再用半价加特饮，我用咗一杯黑糖珍珠鲜奶，鲜奶除了没有甜味之外，黑糖珍珠真系超级香黑糖味，之后额外叫店员攞咗少少黑糖俾我加入去，味道先至正常返！