山見台式火鍋 (雅蘭中心)

营业中

休息中

食物差、種類少：定價過高，食物質素不如理想。丸類選項少，連基本的貢丸都冇（但上面個牌係有寫住的）。炸物保存效果不佳，不香脆。滷味有啲唔入味，有啲更滷得軟爛難食。自助吧的冰棒及甜品選擇完全唔吸引，連雪糕都冇提供。牛肉類，得月見封門柳有牛問，其他都唔好食。趕住食：其他台式火鍋，呢個定價合有120分鐘食，唔使好似喺呢度咁咁趕急。環境差：一開始入到去有up味，影響食欲。如果坐最出個排，仲會好似係動物園啲動物入面咁，比出面啲人𥄫黎𥄫去（不過呢個同餐廳關係唔大，但係如果店舖全密封會比較好）。服務態度非常一般：只有reception既服務態度比較好，其他都係著西裝既態度高傲。仲有個負責收拾碗碟超唔合理，即使碟上有完全乾淨既菜，佢佢諗住收走，反而隔離住隻空碟就好似睇唔到咁。同埋，想加水要等好耐先有人理。