風流居酒屋 (已結業)

星期六晚去食，大约八点九入去，十分钟内落单，叫左蟹黄拉面、鳗鱼饭、薯饼、明太子薯条同海担墨鱼卷。等到九点三都无嘢上台，叫侍应跟进下，一直无回应过跟进成点，九点五再叫跟进，净系覆句整紧，九点半再追，之后先一次过上，得半个钟食得好急。最嬲系一句唔好意思都无。嘢食质素都好差，鳗鱼饭辣嘅。蟹黄拉面完全同图片系两回事，图片有只龙虾钳，实物就原只蟹上，水蟹粥咁，蟹黄腥嘅，我明图片只供参考，而家系直头比左第二样嘢我。海胆墨鱼卷就唔新鲜，无乜味。本身已经比佢啲劣质服务同劣质食物搞到好炆。临十点佢都无乜客，几个侍应就围埋吹水大声笑，话题又有味，进一步影响环境影响心情。总括而言，食物、服务同环境无一样得，彻底完全中伏，差到要专登开返个account嚟表达不满！呢间嘢我永远都唔会再帮衬，亦会警剔身边所有人。