魂燒 (已結業)

今日放工既时候好想食串烧，平时食开个间休息，咁岩行过太子站附近见到有间睇落几有情调既串烧店居酒屋睇完价钱都几合理，谂住应该会几好食。一上到去见到个环境其实已经想走，啲枱系劲污糟，上手似系唔知几多日前食完仲未抹枱咁！我地2个人叫左个两人餐同小食拼盘加饮品，埋单总数$381，本来已经好肚饿劲期待啲食物黎到大食一餐，结果等左接近25分钟终于上左两个小食小丸子加墨鱼咀，见到个墨鱼咀个下已经呆左$38只得6粒，而且食落去系无味道，跟住再上左碗炸猪排滑蛋丼，见到上面块蛋已经系完全熟同煎蛋无分别，猪排叫做比较抵食系原块，但已经炸到㶶㶶地。之后再上一碗蜜汁猪颈肉丼，一开始我仲误会黎左碗叉烧饭，碗饭绝对系无汁，干争争，仲要超细碗，令愿攞$68摲盒叉烧返屋企食。再黎一碟串烧，金菇肥牛卷可以话系睇唔到金菇咁济，似系拎左啲切净既金菇碎黎包，鸡软骨食落有啲未熟，最后系万众期待半壳蚝，个只蚝同手指尾第一节差唔多大粒，系个壳入面你少啲眼力都揾佢唔到。基本上比左差唔多$400，同无食过饭系无分别，绝对唔推介食，同等价钱可以系其他地方食到好饱