The FOOD FACTORY (已結業)

随心喺旺角揾楼上西餐食， 估唔到又揾到新一间气氛唔错，而且食物份量十足嘅西餐。拣咗两份一人套餐，套餐配有是日餐汤同埋饮品。是日餐汤系非常香浓嘅忌廉汤，有萝卜粒、西芹同埋烟肉碎等。Oreo脆脆朱古力冰沙 / 蓝沙乳酪冰沙Oreo脆脆朱古力冰沙上有放满咗oreo碎嘅cream，而冰沙好重朱古力味而且易打得够细，饮落凉快。虽然饮唔出点解蓝沙乳酪冰沙系蓝色，但仍然饮得出淡淡嘅乳酪味。贻贝墨鱼墨汁烩饭唔止墨汁烩饭份量十足，连上面嘅海鲜亦非常丰富。除咗有墨鱼之外，仲有几只青口同埋贻贝， 媲美得上一个丰富嘅海鲜烩饭。美国猪鞍扒配夏威夷菠萝猪鞍扒同苹果蓉永远都系一个绝配，苹果蓉香甜能带出猪鞍扒嘅肉味，又能减低佢嘅油腻感。 菠萝表面轻轻烧过，食落酸甜又多汁。伴碟仲有香滑嘅忌廉薯蓉同埋紫薯，份量十足。