影片
更多
2019-09-05
830 浏览
今次冇影相，斋用文字分享。事缘小弟会成日喺度转车返屋企，所以通常喺度食埋夜晚饭。其实一早知角落头有间「日本料理」，但总系感觉奇奇怪怪，因为餐牌上嘅嘢食半日不中，似系啲港式日本餐仔，所谓日本料理都系得个名。今日真系唔知食乜，就鼓起最大嘅勇气，行入去，攞自己个胃做个实验。天气仲系有啲热，所以就谂住叫个冷面食。一路以来我认识嘅冷面有两种，第一就系中华冷面，卖相好似捞面一样；第二就真系一碗拉面，只不过唔系热辣辣，而系冰凉版。当我见到有样嘢叫「叉烧拉面」，我就以为系后者。点知，见厨房出菜嘅时候，点解会有一个大汤碗+1只碟呢？原来汤碗系用冷面汁加冷面，中间洒上一些芝麻，而个碟就装住大约6块嘅厚切叉烧，论份量来讲，有6块厚切来讲份量真系绝对唔少。带卖相就真系好中式，似乜呢？就好似阿妈屋企嚿煲汤猪肉，厚切完之后用一啲照烧汁捞返佢，未到来讲，就系啲照烧汁嘅味道再加一够煮熟嘅猪肉啰！同我心目中一碗冰冻版嘅叉烧拉面，完全系争一哩路咁远！好啦，试吓个面汁，甜到一个点，根本就系原装面汁，完全冇其他嘅调味调配！我印象中食中华拉面嘅时候，面汁唔会死甜，只会微甜带一点酸，亦带一点鲣鱼汁嘅味道。至于个拉面，事实上好弹牙
天气仲系有啲热，所以就谂住叫个冷面食。一路以来我认识嘅冷面有两种，第一就系中华冷面，卖相好似捞面一样；第二就真系一碗拉面，只不过唔系热辣辣，而系冰凉版。当我见到有样嘢叫「叉烧拉面」，我就以为系后者。
点知，见厨房出菜嘅时候，点解会有一个大汤碗+1只碟呢？原来汤碗系用冷面汁加冷面，中间洒上一些芝麻，而个碟就装住大约6块嘅厚切叉烧，论份量来讲，有6块厚切来讲份量真系绝对唔少。带卖相就真系好中式，似乜呢？就好似阿妈屋企嚿煲汤猪肉，厚切完之后用一啲照烧汁捞返佢，未到来讲，就系啲照烧汁嘅味道再加一够煮熟嘅猪肉啰！同我心目中一碗冰冻版嘅叉烧拉面，完全系争一哩路咁远！好啦，试吓个面汁，甜到一个点，根本就系原装面汁，完全冇其他嘅调味调配！我印象中食中华拉面嘅时候，面汁唔会死甜，只会微甜带一点酸，亦带一点鲣鱼汁嘅味道。至于个拉面，事实上好弹牙，但无论点弹牙，配上呢个咁甜嘅汁，已经冇晒心机食，所以我只食咗一半就放弃！
所以，整体来讲，实在系超求其嘅中伏之选，叫价$50！求其过隔离是但一间茶餐厅，加多$10 ，已经有例汤有个小炒加碗白饭，整多杯嘢饮！
之后望返啲食评，话楼面个声称系老板娘态度非常恶劣而且粗口烂舌闹啲员工，当晚就冇发生过，但只觉得阿姐对住自己夜晚啲熟客会特别好相与。但同样地大部份人都系闹紧啲嘢好难食，而当晚其他食客主要都系叫两样嘢食，一就系乜乜生姜烧，第二就系乜乜錭，我怀疑剩系得呢两样野叫做好食啲。其实只要买支好味啲嘅汁嚟煮，真系难食都有个限度。但我真系冇乜勇气再试第二次。或者再等耐啲，等我忘记咗呢次咁惨痛嘅经历之后，又唔知做乜发花癫又话鼓起勇气试吓第二样嘢先再嚟过啦！
张贴