影片
更多
2022-05-06
336 浏览
睇完YouTube推介之后决定试吓呢一间人气好高嘅平民寿司店本身抱住满怀希望嘅心情入去食，点知食物质素真系强差人意一入到店舖之后店员就安排咗我哋坐接近窗口嘅位置一坐低已经摸到张枱有少少笠笠地加上佢所提供嘅绿茶茶味欠奉有少少失色但系接下落嚟嘅食品质素就真系令我大失所望首先一间日本寿司店最应该同埋基本要做好嘅一道𩠌系茶碗蒸如果连一碗茶碗蒸都蒸到炒晒咁师傅嘅功力都可见一斑不过好彩食落味道就唔太大分别系冇咁滑嫩姐之后服务员都陆续递上我哋所叫嘅寿司老老实实尤其系鱼生真系唔系太新鲜而三文鱼仲比我食到一浸怪味添不过反而刺身就冇咁夸张个新鲜程度比起寿司上面嘅鱼生好但系亦都算唔上新鲜除此之外令我有少少失望嘅仲有佢嘅芝士年糕首先卖相麻麻加上一睇就知道系平时喺超级市场买到嘅气炸锅料理令我谂唔到有咩理由要去一间日本餐厅特登俾钱食佢不过有弹就有赞我觉得佢嘅油炸豆腐做得唔错尤其是系上面嘅萝卜蓉配搭起嚟个味道都几好食令人感觉清新加上个鹅肝寿司亦都真系值得推荐个鹅肝脆得来上面𠮶层焦糖亦都为呢个寿司加咗唔少层次系我成餐饭觉得最好食嘅两道𩠌叫做挽回返少少印象分咁啦话说成餐饭都食咗400几蚊老老豆豆就唔系好抵啦其实我都10
决定试吓呢一间人气好高嘅平民寿司店
本身抱住满怀希望嘅心情入去食，点知食物质素真系强差人意
一入到店舖之后
店员就安排咗我哋坐接近窗口嘅位置
一坐低已经摸到张枱有少少笠笠地
加上佢所提供嘅绿茶茶味欠奉有少少失色
但系接下落嚟嘅食品质素就真系令我大失所望
首先一间日本寿司店最应该同埋基本要做好嘅一道𩠌系茶碗蒸
如果连一碗茶碗蒸都蒸到炒晒
咁师傅嘅功力都可见一斑
不过好彩食落味道就唔太大分别系冇咁滑嫩姐
之后服务员都陆续递上我哋所叫嘅寿司
老老实实
尤其系鱼生真系唔系太新鲜
而三文鱼仲比我食到一浸怪味添
不过反而刺身就冇咁夸张
个新鲜程度比起寿司上面嘅鱼生好
但系亦都算唔上新鲜
除此之外令我有少少失望嘅仲有佢嘅芝士年糕
首先卖相麻麻
加上一睇就知道系平时喺超级市场买到嘅气炸锅料理
令我谂唔到有咩理由要去一间日本餐厅特登俾钱食佢
不过有弹就有赞
我觉得佢嘅油炸豆腐做得唔错
尤其是系上面嘅萝卜蓉配搭起嚟个味道都几好食
令人感觉清新
加上个鹅肝寿司亦都真系值得推荐
个鹅肝脆得来上面𠮶层焦糖亦都为呢个寿司加咗唔少层次
系我成餐饭觉得最好食嘅两道𩠌
叫做挽回返少少印象分咁啦
话说成餐饭都食咗400几蚊
老老豆豆就唔系好抵啦
其实我都10分支持💛食肆
只不过希望我呢一篇食评可以鞭策到佢哋提高返食品嘅质素
唔好食老本
咁样先至唔好遭人话柄话💛店就唔好食㗎嘛！
希望下次来可以好食啲
张贴
