一麵春風 (已結業)

去愉景湾酒店住一星期，自然唔会每一餐都系酒店里面食，大部份时间其实都出咗码头揾食，码头其实大部份都系西餐，睇到都厌。睇返酒店俾你揾食指南，码头有一间上海菜，咁我就去咗食。餐厅装修非常简单，完全唔似愉景湾码头其他餐厅嘅高档装修。不过唔紧要，我真系想喺呢度绝无仅有嘅食中餐。我点左一个荠菜鱼羹，侍应一送到上嚟我心里面已经想闹人，点解一个荠菜鱼更可以冇菜得几粒葱，不过我渡紧假唔想发火，所以我冇出声，就食咗一啖。点知一入口，我觉得非常之好食，虽然有少少味精，但系汤头浓郁，鱼又唔腥。然后就到个嫩鸡煨面，食物卖相都系非常之唔讨喜，但系鸡汤浓郁鲜味，煨面煨到入晒味，我除咗食晒个面之外，连汤都饮埋，当然美中不足嘅就真系有少少味精啦。可惜愉景湾太远，如果唔系一定会返转头再食。