萬豚屋

营业中

休息中

我同我老公星期二晚去试下佢地既乌冬同食物。我地坐低既时候餐厅有八成满座。我地好快地决定左叫啲咩食，同时佢地其中一个侍应都同我地对我地叫既野然后好快上左我地既饮品。时间过左大概半小时，呢半小时我地见证到每一张枱都有佢地叫既食物但系唯独我地仲未有。我老公话唔紧要，可能厨房比较忙。我哋继续等，几个侍应经过我地张枱都望一望但系唔出声。跟著有一位侍应过黎，我地以为佢会跟进我地既order (因为得我地未有野食，连俾我地迟啲入黎既都有得食），但系佢过来系想我地坐埋一边让一边卡位俾排紧队嘅食客。个一刻我地就好无奈地问，你叫我地郁唔紧要但系点解我地食物都未黎？佢跟进后话厨房留单，2分钟会出。佢跟住攞张入单纸比我地。我眼见原来我哋等左多过半小时同时佢哋只系入左一碗乌冬（我地仲叫左好多小食，佢地都冇入），佢哋啲员工完全无谂过帮我地跟进。我地想埋单走佢坚持唔想。到埋单嘅时候，负责入单嘅侍应完全无道歉，连基本既谢谢都冇讲。我冇机会试佢哋嘅野食。我同我老公都觉得我地算好有耐性但系佢地既员工嘅服务实在太失望。我好少会上网写review. 但系佢地既服务质素实在太差。