影片
更多
2020-04-13
395 浏览
是咁的~寿司郎进军左香港都几个月但实在系太受欢迎根本就订唔到枱一直都想试好耐今次终于的起心肝同女朋友仔包黎到黄埔分店walk-in搏一搏啦十二点前黎到但一等就等左个半钟头喇入到去就即刻疯狂系咁禁野食，其实就唔止叫左下面咁少嘅不过篇幅会太长所以下面系重点d嘅野食油甘鱼寿司在场灯光影响左手机嘅效果，实物份油甘鱼充满光泽食落亦好香鱼油味，唔少人惊食油甘鱼因为会有阵腥味，而腥味一般系因为处理得唔好或者唔新鲜先会咁，但呢到就完全冇呢个问题唔记得真名叫咩嘅烧牛肉寿司，系烧得非常之香，烧左嘅牛肉d油逼晒出黎食落系好甘香不过如果块牛肉热辣辣咁嘅话就会更香更好食喇鳗鱼寿司食鳗鱼好基本就系要冇骨，呢样根本野呢到都做到证明处理鳗鱼嘅功夫都做得唔错而且鳗鱼厚薄适中，鱼肉细致嫩滑，连埋弹牙嘅鳗鱼皮~呢到嘅鳗鱼寿司好出色蟹脚寿司（真名又唔记得）呢个几惊喜，因为一般呢种寿司应该系会灼熟条蟹柳位，或者至少都半生熟不过呢件寿司就完全系生蟹脚，所以食落嘅口感就并唔系一丝丝蟹肉嘅质地而系类似布甸状嘅口感，配合埋淡淡嘅蟹肉清香，食材非常新鲜呢个系一件头嘅国产牛寿司牛肉好嫩滑但肉味唔浓反而上面个烧牛肉更加出色，不过呢个一件头配
入到去就即刻疯狂系咁禁野食，其实就唔止叫左下面咁少嘅不过篇幅会太长所以下面系重点d嘅野食
油甘鱼寿司在场灯光影响左手机嘅效果，实物份油甘鱼充满光泽食落亦好香鱼油味，唔少人惊食油甘鱼因为会有阵腥味，而腥味一般系因为处理得唔好或者唔新鲜先会咁，但呢到就完全冇呢个问题
唔记得真名叫咩嘅烧牛肉寿司，系烧得非常之香，烧左嘅牛肉d油逼晒出黎食落系好甘香不过如果块牛肉热辣辣咁嘅话就会更香更好食喇
鳗鱼寿司食鳗鱼好基本就系要冇骨，呢样根本野呢到都做到证明处理鳗鱼嘅功夫都做得唔错而且鳗鱼厚薄适中，鱼肉细致嫩滑，连埋弹牙嘅鳗鱼皮~呢到嘅鳗鱼寿司好出色
蟹脚寿司（真名又唔记得）呢个几惊喜，因为一般呢种寿司应该系会灼熟条蟹柳位，或者至少都半生熟不过呢件寿司就完全系生蟹脚，所以食落嘅口感就并唔系一丝丝蟹肉嘅质地而系类似布甸状嘅口感，配合埋淡淡嘅蟹肉清香，食材非常新鲜
呢个系一件头嘅国产牛寿司牛肉好嫩滑但肉味唔浓反而上面个烧牛肉更加出色，不过呢个一件头配埋d洋葱丝感觉都好fresh
大拖！可以话系呢到嘅重点好似话啱啱开业果阵系17蚊件抵到痴线，就算而家卖番27蚊我都觉得性价比好高大拖真系充满鱼油香而且系非常接近入口即溶唯一落差就系有少少筋，前后我地叫左三件都有一件系再多d筋，不过寿司郎定位始终唔系d咩高级寿司餐厅系行平民化嘅回转寿司，加上27蚊呢个价钱少少筋我觉得可以接受因为佢真系好鲜甜好香
海螺两食呢个系两种唔同食法嘅海螺一种系最原始嘅刺身另一种就系火炙食呢d贝类，刺身就最能够食得出食材最原始天然嘅味道，呢只螺系好爽脆亦有少少贝类嘅香味，加少少柠檬汁嘅话佢个贝香味会更加突出反而火炙海螺就破坏左爽脆嘅味道，熟左嘅海螺口感偏淋，失去左螺嘅独特性，都系生嘅啱我多d
深海池鱼寿司池鱼系一种鱼腥味比较重嘅鱼，所以一般都会系薄切而寿司郎嘅池鱼寿司都有加姜蓉同葱粒僻腥，不过份量掌握得唔好所以食落净系食到姜味根本食唔到池鱼嘅鱼味，姜呢d咁重味嘅野其实真系少少一点就已经好足够所以我食第二件嘅时候就拨走晒d姜先食，食番个原味道呀嘛不过呢到嘅池鱼冇乜特别，唔腥但鱼味亦唔够，普普通通咁啦
鲜鲍鱼寿司听讲呢个系期间限定呢个真系几正，虽然鲍鱼本身系d冇乜味嘅海产黎，但单从光泽度同爽口嘅口感都食得出用料嘅新鲜呢个都值得一试
赤贝寿司呢个系我几钟意食嘅一种贝类因为好钟意佢独有嘅血腥味赤贝亦系行爽口路线嘅贝类，佢嘅爽脆程度低过上面讲嘅海螺但又脆过头先嘅鲍鱼，而呢到嘅赤贝血腥味比较重，如果本身唔钟意d味道重嘅朋友仔就要注意喇
北寄贝寿司佢就同头先嘅螺、鲜鲍鱼、赤贝系行完全唔同嘅路线，北寄贝口感系属于弹牙，而且呢到嘅北寄贝挺身肉质厚，如果本身系北寄贝fans嘅话一定要食！
最后一款要讲嘅就系带子喇呢到系用上日本产嘅带子，特点系肉质厚味道鲜甜，新鲜嘅带子唔会好淋，食落系会有一种弹牙厚实嘅感觉，带子呢个位系属于佢嘅肌肉位，用黎控制壳嘅开合，肌肉如果系淋嘅话就一定系代表唔新鲜，呢个原则基本上适用喺所有贝类刺身到，因为通常食开嘅都系佢地用黎控制开合嘅肌肉位，一定系有d肌肉纤维先代表新鲜嫁
总结一下，寿司郎嘅用料系好新鲜，唔少食材都注明日本系原产地，单凭呢点用呢到价钱食到咁多日本新鲜食材已经好抵，佢地嘅寿司饭当然都系用上日本珍珠米，而且通常呢d讲求速率嘅寿司店握寿司嘅力度都掌握得唔好，好易一夹就散，呢到嘅问题唔算大当然遇然都会有两件系好易散但整体平均黎讲呢方面都系合格嘅当人地集团要放弃年青人嘅时候我地系咪都应该要转移下习惯呢，虽然呢到排队嘅时间一定长过果到但类近嘅价钱可以食到质素更好嘅寿司，加上寿司郎喺香港嘅业务只系属于初期，只要keep住咁多人帮衬就一定会再开多好间分店！到时就睇下边个放弃边个喇
张贴
