影片
更多
2018-10-01
953 浏览
新开一排嘅食肆，早轮见好多人排队，今晚想食日本嘢，又见佢无咩人排队(食完就明白了)，就试下呢间鮨千寿(sushi senju)。呢间食肆装修靓，有好多种类嘅菜式，刺身、寿司、串烧、天妇罗等等。见佢店名叫sushi senju，就叫个特上寿司拼盘($388)，再叫咗盐烧油甘鱼鲛($128)、原条明太子天扶良($108)同三文鱼茶渍饭($68)。寿司最先上，寿司饭非常淡，近乎无味，鱼生也一般，无咩鲜甜味。食过这个寿司拼盘，和友人心里已对这日本餐厅嘅水准心中有数…盐烧鱼鲛嘅鱼皮烧得脆口，但肉有少许腥，而且有点“嚡”。明太子天扶良正常水平，外皮脆口，咸咸香香。三文鱼茶渍饭，茶汤系绿色(但餐牌嘅相见到汤系正常色)，带点苦味，明显见到碗边有茶粉，可能茶同汤嘅比例错误？总之唔太啱口味。更重要嘅系服务水准欠佳…我哋被安排坐墙边半卡位，靠墙的位子有上手客人遗下嘅食物碎，我立即用纸巾清洁一下，企在我哋旁边嘅餐厅经理(着黑恤衫，不是一般着白衫嘅侍应)拎住两杯茶等上俾我哋，但对于櫈有污物要客人自行清洁系毫无表示…刚刚提起客人坐下后，餐厅奉上咗茶。到上咗第一道菜，我食完一旧寿司后，拎起杯茶饮一啖，呆了… 因为杯
呢间食肆装修靓，有好多种类嘅菜式，刺身、寿司、串烧、天妇罗等等。见佢店名叫sushi senju，就叫个特上寿司拼盘($388)，再叫咗盐烧油甘鱼鲛($128)、原条明太子天扶良($108)同三文鱼茶渍饭($68)。
寿司最先上，寿司饭非常淡，近乎无味，鱼生也一般，无咩鲜甜味。食过这个寿司拼盘，和友人心里已对这日本餐厅嘅水准心中有数…
盐烧鱼鲛嘅鱼皮烧得脆口，但肉有少许腥，而且有点“嚡”。
明太子天扶良正常水平，外皮脆口，咸咸香香。
三文鱼茶渍饭，茶汤系绿色(但餐牌嘅相见到汤系正常色)，带点苦味，明显见到碗边有茶粉，可能茶同汤嘅比例错误？总之唔太啱口味。
更重要嘅系服务水准欠佳…
我哋被安排坐墙边半卡位，靠墙的位子有上手客人遗下嘅食物碎，我立即用纸巾清洁一下，企在我哋旁边嘅餐厅经理(着黑恤衫，不是一般着白衫嘅侍应)拎住两杯茶等上俾我哋，但对于櫈有污物要客人自行清洁系毫无表示…
刚刚提起客人坐下后，餐厅奉上咗茶。到上咗第一道菜，我食完一旧寿司后，拎起杯茶饮一啖，呆了… 因为杯茶系完全唔热，系凉嘅室温水温度…
以咁差嘅服务，咁一般嘅食物质素，我觉得有钱都无谓嘥喺呢间餐厅度啦！
张贴
