扒王之王 (已結業)

今晚男朋友突然想锯扒，但又唔知去边度食，于是我就提议去扒王，因为好耐之前都去过其他分店食lunch, 都唔太贵同唔差。七点去到，唔使等位，入到去见到两三台客，十几张吉台, 果时都无为意有问题。坐低左开始睇menu, 个waiter就行埋黎sell我地呢个扒餐有好多客拣，果个餐好多女人客拣，咁我地问佢呢几块扒有咩分别。点知佢答完等于无答，唔识又扮专家，讲唔到有咩分别，点样好食。听完好无奈，唯有继续再睇下，当男友揭到二人餐果版，个waiter就唔知系边到弹出黎，话呢度无人食二人餐，当时我同男友都觉得佢好无礼貌，心谂我地有问你意见咩，我地食咩关佢咩事，第二d野又唔见佢咁叻。最后，我地谂左个10oz既西冷扒同一个肉眼扒。扒终于黎到，食左一啖，中伏，个扒完全无牛味，可能雪左好耐，雪到无哂味。而男友果个西冷扒都有相同问题，仲干争争，一d肉汁都无。真系"原汁原味"！！一个百几蚊既扒，质素竟然仲差过大x乐果d 几十蚊既扒。而之前拣餐时sell呢样果样果个waiter，上完菜就无再行过黎，亦问都无问过d扒得唔得，正系挂住同隔离果台客吹水，吹自己d野。从来未试过d咁难食既扒，贵得黎又无水准，大X乐都好过佢