豆漿大王

营业中

休息中

🐑冻豆浆，唔系太甜，好似几好；但系无糖热豆浆就试出真功夫：冇豆味，唔够厚身。呢个系因为黄豆冇经过充足浸泡(甚至我怀疑冇浸过)，再急急攞去快速搅拌(而非慢磨)得出嚟嘅结果。自诩为豆浆大王，可能想自己拆招牌。🐑煎酿豆腐，同豆浆一样，豆腐系冇乜豆味；肉好少得𠮶一细粒，而且好干柴；味道方面，唔靠点豆瓣酱，实在食唔到落去。🐑酸辣云吞：酸辣汤有笋丝、木耳、猪皮、猪红、豆腐样样都齐，但作为一个酸辣汤，唔酸又唔辣就系罪。师傅推献功夫欠奉，竟然有3细嚿献粉未融得晒一嚿嚿𢳂到出嚟！献粉用咗马蹄粉而非豆粉，汤羹因此而变得混浊，欠缺以豆粉打献嘅晶莹感。🐑炸排骨，炸得几香，够脆，腌味都够，唯一炸得比较干争争。🐑担担面用中粗度嘅上海面做面底，唔啱数，味道亦麻麻。结论系，咁多人攞飞等位，而且要等大概一个钟，佢嘅食物出品，完全唔值得咁样等法。