尚八日式燒肉店 (已結業)

寻日一试中大伏，价钱唔算平，但冇预到水准咁差，衰过食颓韩烧。一黎就上刺身，我未试过帆立贝会有阵番枧味，三文鱼正常，疑似吞拿鱼既红色刺身口感奇特。之后开始烧，个炉完全唔够热，叫职员帮忙加大火候，第1位职员话公司规定冇得加大火d, 当堂吓一吓，烧第1粒牛烧左几分钟都仲系见红。再问第2个似熟手d既员工先话有得教大d, 如果唔系真系烧到天光都未食得。讲返d牛，摆到碟牛好似之前d reviews讲打风一样。无论盐牛定汁牛，都已经分唔开。每旧牛基本上都系同一阵味，就系一d牛味都冇，肉质好鞋。试叫哂其他唔同款既牛，最后结论系全部一样，好难食!可以话系我食咁多间最差既一间，最后顶唔顺，未够钟埋单走人，唔知咁既质素仲做得几耐