大滿喜日本料理 (已結業)

去食晚市放题，夜晚黄金时段见到佢完全唔使等位，相反五楼爆哂要攞飞等位，已经心知不妙。但冇办法因为非常肚饿，就即管试一试佢。点知食物质素非常之差，食咗一嚿烟三文鱼寿司，腥到要吐返出嚟，啲饭一夹就散开。刺身都唔掂，刺身冇乜点摆位就拎上嚟台面。而且三文鱼有根，刀工又唔得，刺身一嚿连住另一嚿，北寄贝系完全冇味，好似食紧一嚿胶咁。熟食方面，羊架柴到死， 天妇罗完全唔系𠮶回事，油益味好重，食物选择又少。成晚唯一可取就系啲嚟货嘅食物，例如系蒲烧鳗鱼，榴梿炸弹，haagen dazs雪糕，呢啲都叫正常发挥。但环境叫做坐得阔落嘅，不过装修就唔系高级。 有少少返咗大陆嘅感觉。