影片
更多
2014-09-08
13831 浏览
位于五星酒店内的HARBORSIDE, 价钱收足六星级数, 但对于此餐完完全全彻底的失望.用餐价钱, 我相信景观占了70%, 食物只占了30%. 何出此言??开开心心同老公黎食生日饭. 仲提早左2个月BOOK位. 满心期待等呢日.我地未够8点就到了, 谂住早少少入座应该都OK. 点知头轮未散, 冇错, 系有头尾轮之分.头轮系6-8, 尾轮系8半开始.一间五星酒店, 食评正面多于负面既餐厅, 都玩头尾轮??等到8半了, 在外面排队入座.坐低后开始攞食物.海鲜:开边龙虾 --- 好好食, 如喜欢食虾籽既朋友, 一定开心到爆, 有部份是充满著籽籽的长脚蟹 --- 好好食, 唔系一味得个咸水味, 够鲜味 原只蟹钳 --- 好贴心, 一拿上手就可以食, 完全唔使"中"佢, 正原只鲍鱼 --- 食到中后段有鲍鱼出, 但鲜鲍冷盘唔系我杯茶, 试左一个就算了. 唔系想像中咁好食.刺身:带子 --- 原粒珍宝带子, 虽然横切为几份, 但都鲜味十足, 超正 ***食到九点几想再攞带子食, 哥哥仔答"无哂", 我.....静左, 收得咁贵一位, 可以"无哂???!"三文鱼 --- 够肥美加厚切, 好正
位于五星酒店内的HARBORSIDE, 价钱收足六星级数, 但对于此餐完完全全彻底的失望.
用餐价钱, 我相信景观占了70%, 食物只占了30%. 何出此言??
开开心心同老公黎食生日饭. 仲提早左2个月BOOK位. 满心期待等呢日.
我地未够8点就到了, 谂住早少少入座应该都OK.
点知头轮未散, 冇错, 系有头尾轮之分.
头轮系6-8, 尾轮系8半开始.
一间五星酒店, 食评正面多于负面既餐厅, 都玩头尾轮??
等到8半了, 在外面排队入座.
坐低后开始攞食物.
海鲜:
开边龙虾 --- 好好食, 如喜欢食虾籽既朋友, 一定开心到爆, 有部份是充满著籽籽的
长脚蟹 --- 好好食, 唔系一味得个咸水味, 够鲜味
原只蟹钳 --- 好贴心, 一拿上手就可以食, 完全唔使"中"佢, 正
原只鲍鱼 --- 食到中后段有鲍鱼出, 但鲜鲍冷盘唔系我杯茶, 试左一个就算了. 唔系想像中咁好食.
刺身:带子 --- 原粒珍宝带子, 虽然横切为几份, 但都鲜味十足, 超正 ***食到九点几想再攞带子食, 哥哥仔答"无哂", 我.....静左, 收得咁贵一位, 可以"无哂???!"
三文鱼 --- 够肥美加厚切, 好正 (我都系喜欢食D下价野, 哈哈)
甜虾 --- 都系一般的甜虾, 冇乜特别赞/弹
天妇罗:炸虾天妇罗 --- 个脆浆可以用"样衰"黎形容, 想像唔到一间五星酒店内的餐厅质素会系咁, 完全跟坊间平价日式放题比下去
蕃薯天妇罗 --- 粉浆厚过蕃薯, 感觉上比炸虾的还要好
WELCOME DRINK:有好多款鲜榨果汁拣
汤类:南瓜忌廉汤 --- 只浅尝了少少, 都OK, 几好饮
莲藕猪踭汤 --- 老火汤, 够味, GOOD
海鲜燕窝羮 --- 过份地杰, 但足料的
铁板烧:有猪肉, 牛肉, 羊肉 --- 值得一提既系牛肉, 略肥, 但口感一流. 羊肉就一D都唔膻
热盘:烧牛肉 --- 部份部的确好好食
蒸石斑鱼 --- 鞋鞋的, 蒸到明显过哂火
片皮鸭 --- 估佢唔到又几好食, 一啖一件, 又唔使落手, GOOD
意大利云吞 --- 太大粒, 完全试唔到佢有咩馅, 微辣的
海鲜炒饭 --- 太过干身
青咖喱虾 --- 奇奇怪怪的, 辣又唔系辣, 香味又欠奉
甜品:雪糕 --- 哈人带C都算系我其中一个飞佛, 我去攞雪柜, 问人咩品牌, 佢话系哈人带C, 但系......眼见雪糕柜虽然有6款味道, 但全部都系平平无奇既味道, 冇D特别既, 例如朱古力大可以出"比利时朱力", 但佢无....朱力就系朱力, 望落个雪糕柜, 似牛奶公司多过哈人带C. 平时超喜欢食雪糕既我, 食左一球就收手了, 失望
面包布甸 --- 食落似一个海棉蛋糕多D, 又或者本身佢就系海棉蛋糕, 我以为佢系面包布甸
朱古力蛋糕 --- 有阵过份浓烈的橙味, 冚哂朱古力既味道
梳乎里 --- 戏肉黎喇, 要ORDER的, 即叫即焗, 点知......我𠮶杯食到底, 系未焗透既蛋白, 流质状......完全谂唔到喺呢度发生......生蛋白......即刻收手, 唔再食落去. 而家D菌咁恶, 何况系生既蛋类, 咪搞.
总括而言, 咁既价钱食咁既质素, 试过一次就够了.
题外话/补充资料：
侍应没有主动收碟及加水, 叫一次, 就加一次
(以上食记乃用户个人意见 , 并不代表OpenRice之观点。)
张贴
