CHEF STAGE de Eddy Chu (已結業)

上网见到呢间餐厅好多赞好食评，而且写住生日套餐第二份半价，有写名甜品又话有驻场歌手唱生日歌就谂住同男朋友嚟庆祝生日。一入到去侍应就安排咗我哋坐一个角落位，坐咗唔到10分钟系冇冷气到嘅我哋热到流汗，我哋就要求坐返出嚟，侍应话只可以坐喺雪柜前面，咁都好过热到出汗啦，点知出面啲冷气劲到兜头兜面吹，坐咗一个钟都唔够，隔篱枱都顶唔顺要调位。到食物出场啲食物份量极少，旧牛扒好似俾人食咗一半咁😧，旧羊架超级细旧又薄，每件得一啖，而且味道一般。呢啲价钱完全唔值。食完主菜谂住叫佢拎甜品出嚟插蜡烛，因为啲冷气太劲好似打紧风咁，完全系点唔着支蜡烛，就算调位去隔篱枱都系劲大风，点唔着支生日蜡烛。虽然佢啲冷气劲大，但系坐喺间餐厅成餐饭你系会闻到好劲油烟味🤢你只会想快快食完快快走，什么驻场歌手唱生日歌是欠奉的。🙄我从来没有写过食评，都忍唔住要写一下。是一次非常差的用餐体验。