影片
更多
2009-08-16
35 浏览
近日经常到科学园工作，一日三餐都要系入面解决，食左两日外卖闷闷地，今日走落行下顺便放放风，系金蛋旁边睇喷泉的时候见到池边有座位，最惊喜系可以食烟，而家可以吸烟的地方真系太小了........对于吸烟的人嚟讲...........实在太好啦.........写食评先讲翻食物先，本来谂住坐一阵食支烟就走，点知听到d正系度休息的员工讲话佢地老板为改善食物质素，将整个出品部的员工撤换，当时我心谂佢地老板对食品要求应该会几高吓，望下手表下午六点几，好！走入去睇下有咩食先.......一入去的感觉系............清新.........可能佢地个名的关系令我联想到，店面的颜色配搭睇落去几舒服，冷气温度适中，所有工作人员都配带口罩手套，感觉到佢地对卫生的要求，见佢地忙于准备自助餐，巡一圈睇睇先....... 入面有5个counter分别系西式、日韩式、东南亚(以泰式为主)、中式以及水吧，太多o野想试点算呢?不如饮杯o野先反正仲系早，走过水吧企系收银机面前发呆，都唔知自己想点，我同企系counter个靓女supervisor同讲都唔知食咩好，跟住佢就笑晒口咁同我讲试下佢地个自助餐，所有coun
写食评先讲翻食物先，本来谂住坐一阵食支烟就走，点知听到d正系度休息的员工讲话佢地老板为改善食物质素，将整个出品部的员工撤换，当时我心谂佢地老板对食品要求应该会几高吓，望下手表下午六点几，好！走入去睇下有咩食先.......
一入去的感觉系............清新.........可能佢地个名的关系令我联想到，店面的颜色配搭睇落去几舒服，冷气温度适中，所有工作人员都配带口罩手套，感觉到佢地对卫生的要求，见佢地忙于准备自助餐，巡一圈睇睇先.......
入面有5个counter分别系西式、日韩式、东南亚(以泰式为主)、中式以及水吧，太多o野想试点算呢?不如饮杯o野先反正仲系早，走过水吧企系收银机面前发呆，都唔知自己想点，我同企系counter个靓女supervisor同讲都唔知食咩好，跟住佢就笑晒口咁同我讲试下佢地个自助餐，所有counter的o野食都可试度咁咪唔洗谂啰，靓女叫到无理由拒绝，就一位啦！佢话多谢百五蚊，跟住一边帮我贴上标记一边讲解，原来饮品系任饮真系无得顶。
见未有得食攞罐啤酒出去pool side享受下先，坐低一阵见到个音乐喷水池开始表演啦，对于我呢d一支公又或者一家大细来食饭的人都算系一个不错的娱乐，系时候入去攞o野食啦，第一个感觉系靓女无介绍错，各式美食都齐全，鸡牛猪鱼虾蚧样样齐，尤其有我最爱的.........串烧，先来半打马来沙嗲食物温度够热，沙嗲酱亦有水准，跟住再来半打焗生蚝，一个字........正，行去沙律吧睇下，不得了烟三文鱼唔食尤自可一食停唔到口，试下个泰式无骨凤爪酸辣适中，正想打电话比女人话有好o野食问佢唻唔唻，一个应该系经理的人攞住客户意见书过来同我倾计，佢好nice笑晒咁叫我比d意见，OK ! 应承你！不过要试埋个厨师精选先，走去counter问佢今日咩精选，天啊............烧牛肉！我今日行运啦！系一餐入面食到我的几大至爱，我即刻问佢可唔可以要三成熟，因为咁系最美味的，但系好多都会变五成，因为要烧得香而又要保持嫩滑系炉火的控制绝不简单，可能其他客人唔会咁问的原故，著白衫的大厨即刻走过唻同我讲佢地全部都系三成熟叫我放心，我从佢充满信心的眼神已经知道呢件烧牛肉绝不简单，正等紧师傅为我准备精选的时候，有客人过来表示佢唔食牛肉，我正为佢可惜之际，另一个高级员工即时为佢转羊架为精选，可见佢地对客人体贴，我份烧牛肉出嚟啦，视觉上已感觉到系一件鲜嫩无比的烧牛肉，急不及待求奇揾个位坐低大快品尝，你地想唔想知我第一感觉系咩，我直情有冲动想问大厨可唔可以比多件我，黑椒粒的份量恰到好处，加上牛肉的鲜味，跟本唔洗要任何汁酱。甜品方面有榚点同鲜果，我对甜品无咩要求，所以唔多讲啦！望下表成八点几但系仍然不断有食品供应，旧半水嚟讲真系超值。
食饱左紧系攞罐啤酒出池边放风啦！音乐喷泉表演不断，如果要计埋个环境就真系超超值，坐左阵个经理又走过嚟，我即时醒起未写好个意见书，内容系点你地都知啦，突然谂起下星期有个老死牛一，问个经理订几廿人自助餐有咩著数，佢话原来佢地有宴会服务，星期一仲可以email比我睇下啱唔啱食。
总括嚟讲，食物服务我比95分，价钱简直系超值！
差d唔记得话比大家知有免费泊车！
张贴