Platform (已結業)

餐厅位置唔算特别难揾，跟google maps行都好易揾到。大约二点半左右去食，前面要排4位客人，等左起码20分钟先入去食。法式蛋卷 $92 外貌系几靓用黎打卡系唔错，但系食就真系好一般，首先个蛋唔系热既亦唔暖既，面包就好似外面批发市场拎货直接摆上盘既感觉，口感一啲都唔软熟，好坦白我都系见呢道菜上热门菜式先至叫，我同朋友一致认为实物同好评相差太远。其次，朋友话个蛋无咩味，咁就问侍应会唔会有番茄汁？侍应答有不过等等，好啦我朋友就呆坐等佢拎黎先继续食，等左10分钟个侍应先走埋嚟话无番茄汁？我同朋友个刻只系想拿拿临食埋俾钱走。马铃薯团 $92不过不失，唔算系好特别但可以接受，咬口感系唔错。芝士贝果 $20 今餐lunch最满意系贝果，口感几烟韧，亦系唯一一样上枱既时候系热既，而且系食到有芝士味！总结，唔会再去。呢度主要卖点只系食物既外观，而食饭质素明显需要改善，如果要食cafe其实沙田都仲有好多选择，除非为去而去。