荔園﹒流金歲月 (已結業)

知道D2 Place又开番荔园餐厅，充满住童年回忆，就好有期望地趁佢啱啱开就嚟朝下圣.....门口靓之余，连等位嘅飞仔都好有特色....成间餐厅分咗民园面家同卖点心嘅流金岁月两边，下午茶关系，我吔就只叫咗一杯冻柚子蜜同一客拼盘 - 荔园动物反斗城......餐具都有啲特色，每位有一个玄米茶茶包，自己再热水冲泡。落完单等咗一阵.....嚟咗杯柚子蜜，但我吔叫嘅系冻，嚟到嘅系热，即刻换啦。而更甚嘅系......等咗半个钟都未见拼盘到，一问之下先知我吔叫嘅拼盘已卖哂，但一直完全冇人话我吔知，完全系白等咗至少半个钟，如果我吔冇问就可能坐到晚市都冇得食!!!!仲要原来过咗4点半系冇得再order点心，要到晚市6点先再有供应，即系想改叫其他点心都冇!!!!我吔想问个究竟，但店员们一句话冇就冇。好多人嚟都系想食点心，但好多都系入座后先知过咗4点半冇点心供应，好多人都白行一趟。