無肉食 (德興街) (已結業)

订好枱去到竟然要坐门口最后𠮶张枱，咁问收钱𠮶位有冇另一个位置，佢同我哋讲一眼睇晒，跟住就开始玩手机唔理我哋。我哋揾咗一张长枱中间有位咁自动波咁去转枱，中间完全冇人理！经常有蚊仔喺枱面飞嚟飞去，有只蚊仔直头飞咗入去隔离女仕碗食物入面。中间有个小朋友将支铁夹跌咗落地下发出一声巨响，收钱𠮶位玩电话男都有望住因为我就坐咗喺佢同个小朋友嘅后面，望得好清楚，𠮶个小朋友嘅爸爸将支铁夹放喺枱面就算，玩电话男冇理，最后有个工作人员将支铁夹喺枱面插番入啲食物入面而冇拎去换 ～ 就算放喺枱面都经巳唔干净，后来有位男士叫番个玩电话男将支铁夹拎走，不过当时就系有位女士夹紧嘢，成支夹插嚟插去佢哋都冇拎走𠮶份食物.....枱面癫立立，要自助抺.....虽然呢间食物种类多，不过味道都系一样！要自己收拾餐具不过佢冇同我哋讲解！厕所地下好多水，重有食物碎！食过唔止一间，呢间最差！